تجربة استاذ متدرب مع الشفوي – ثانوي اللغة الإنجليزية

شارك Share Partager

قصتي مع الشفوي (بلا ماتسناوني نعاود ليكم بديك رومانسية ديال نبيل السعيدي)
فقت مع ديك ٧:٢٠، خرجت من دار و انا داير ليكوت فودني كامتصنت لواحد ديسك ديال امينيم، دخالنا لواحد القاعة فين عطاونا رقم ديالنا ا اللجنة لغاندوزو عندها،
كانت هو التاني ليغادي ادوز داك الصباح، دخلت عند لجنة عطاوني واحد تكس بلونغلي كادوي على التقويم، قالو لي نلخصو، ا فنفس الوقت واحد المراكشي كان كانو كايدوزو لو الشفوي، مهم زربت على ديك الورقة ابقيت كانتصنت ليهم شويا،
ملي سالاو عيطو ليا، كانت اللجنة كتكون من ٢ اعضاء واحد ديال لونغلي او لاخر ديال علوم التربية، و ها هوما الاسئلة لي سولوني:
introduce yourself?
what is teaching for you?
what is vocabulary? abstract and concret vocabulary?
how to teach pronunciation?
what is minimal pair?
what is extensive and extensive vocabulary?
how to boost students’ self confidence?
writing?
do you any experience in teaching?
ملاحضة: ملي كانت كانجاوب مرا مرا كانو كايهادرو مع بعضياتهم بحال الا انا مكاينش فديك القاعة، مهم انا ماتسوقتش ليهم او بقيت داوي
اما بالنسبة لمول علوم التربية سولني الاسئلة التالية:
ما هو التقويم و انواعه؟
ما هو المثلت الديداكتيكي؟ مع تعريف كل عنصر؟
كيف تقيم درسك؟
ملاحضة: كان قالي واحد الحاجة مستفزة، اني لا اصلح ان اكون استاذ، على اي خرجت فيه عيني او قالت ليه هداك رايك و لا يعنيني في شيئ، اما انا مؤمن كل الايمان بقدراتي، ا هو اسكت،
سولوني عاوتاني على داكشي ديال الاعلاميات و انا نقوليهم عندي مع word. excel, access, photoshop,o linux واخا لحد الان معارفش اشناهو داكشي من غير شوية ديال الورد او داكشي لغادي افيدني ف اكسيل،
سولني عاوتاني على المواقع لكاتمكنك تعلم عن بعد، قالت ليهم ٢، ملي جاوبتهم سكتو، سكت واحد شوية وا نا نغوليهم واش كاين شي سؤال خر، اهو ادور فيا واح فيهم، قالي را حنا لي كايسولو ماشي نتا،
مهم قالي را داكشي لاخر غادي تقراه فالمركز، اوهنايا عرفت اني تقبلت، بلا مانتسنا النتائج،
مهم فالاخير لي خصاه شي حاجة ف الانجليزية را حنا في الخدمة على قدر المستطاع، انصحكم غير شوية ديال ثقة فالنفس اما داكشي لاخر مدبرها حكيم،
استاذ متدرب

شارك Share Partager

Laisser un commentaire